"სილქ როუდ ჯგუფი" "უოლ სთრით ჯორნალში" გამოქვეყნებულ სტატისთან დაკავშირებით განცხადებას ავრცელებს., რომელშიც ნათქვამია:

"სილქ როუდ ჯგუფი" ოფიციალურად გმობს 2016 წლის 23 დეკემბერს ამერიკულ გამოცემა "უოლ სთირით ჯორნალში" განთავსებულ განცხადებებს "სილქ როუდ ჯგუფის" და მისი დამფუძნებლის გიორგი რამიშვილის შესახებ.

სრული სიცრუეა გიორგი რამიშვილის "მხედრიონის" წევრად მოხსენიება. აგრეთვე, არასწორია ინფორმაცია "სილქ როუდ ჯგუფის" და მისი დამფუძნებლების მიმართ სისხლის სამართლის საქმეების არსებობის შესახებ, მაშინ, როდესაც ყველა საქმე "სილქ როუდ ჯგუფის" და მისი დამფუძნებლების წინააღმდეგ შეწყდა დანაშაულის ნიშნების არარსებობის გამო, რაც დადასტურებულია ოფიციალური საბუთებით.

ჩვენთვის აღმაშფოთებელია, რომ ასეთი მაღალი რეპუტაციის მქონე გაზეთმა, გადაწყვიტა აშკარა ცილისმწამებლური განცხადებების გამოქვეყნება ყველა არსებული ფაქტის გადამოწმების გარეშე.

შემაშფოთებელია ის ფაქტიც, რომ ქართულმა მედიასაშუალებებმა გამოიყენეს "უოლ სთრით ჯორნალის" მიერ გავრცელებული ცილისმწამებლური ინფორმაციის კიდევ უფრო ნეგატიური ინტერპრეტაცია და განახორციელეს ორგანიზებული თავდასხმა კომპანიაზე, რომელმაც ბოლო 10 წლის განმავლობაში 600 მილიონ აშშ დოლარზე მეტი ოდენობის პირდაპირი ინვესტიციები განახორციელა ქართული ეკონომიკის სტრატეგიულ დარგებში, ასევე კულტურასა და სპორტში და თავისი როლი ითამაშა საქართველოს ინტეგრაციაში საერთაშორისო ასპარეზზე.

მსგავსი ტიპის ცილისმწამებლური განცხადებები დიდ ფინანსურ, ეკონომიკურ და რეპუტაციულ ზიანს აყენებს კომპანიას. მოვუწოდებთ ყველას, მეტი სიფრთხილით მოეკიდოს გადაუმოწმებელი ინფომაციის ტირაჟირებას, რაც ზიანს აყენებს კერძო კომპანიის იმიჯს და ზოგადად ქვეყანაში ბიზნეს-გარემოს და წარმოადგენს აშკარა შეტევას ბიზნესზე."

ამ ფორმით კომპანია გამოეხმაურა “ვოლ სთრით ჯორნალის” სტატიას სადაც საუბარია, რომ ორგანიზაციას სურს ურთიერთობა გაწყვიტოს ქართველ დეველოპერ გიორგი რამიშვილთან და მის კომპანიასთან, “სილკ როუდ ჯგუფი”, რომელიც ტრამპის ბრენდით ბათუმში მრავალსართულიანი საცხოვრებელი კომპლექსი პროექტის განვითარებას გეგმავს. ვოლ სთრით ჯორნალის ინფორმაციით ურთიერთობის შესაძლო გაწყვეტის საფუძველი წარსულში გიორგი რამიშვილის უკანონოდ ცნობილ შეიარაღებულ ფარმირებასთან ურთიერთობა და სილკ როუდ ჯგუფის წინააღმდეგ არსებული სისიხლის სამართლის საქმის არსებობა გახდა. სტატიაში მოყვანილია დონალდ ტრამპის კომპანიის იურიდიული მრჩევლის ალან გარტნერის კომენტარი, რომელიც აცხადებს, რომ მათ კონტრაქტის დადებამდე დეველოპერის მიმართ დეტალური კვლევა ჩაატარეს და გიორგი რამიშვილის წარსულს სალიცენზიო ხელშეკრულების დასრულებისკენ მიმართულ ნაბიჯებთან არანაირი კავშირი არ აქვს.