პარლამენტისა და საკონსტიტუციო კომისიის თავმჯდომარის განცხადებებთან დაკავშირებით, შეფასებები გაკეთდა ოპოზიციასა ისე მმართველ გუნდში.
ორპალატიანი საპარლამენტო სისტემისთვის საქართველო ამ ეტაპზე მზად არ არის – ამის შესახებ ჟურნალისტებთან პარლამენტის თავმჯდომარემ განაცხადა.
ირაკლი კობახიძე ამბობს, რომ მისი აზრით, საქართველო ამ ეტაპზე არ არის მზად ორპალატიანი საპარლამენტო სისტემის ჩამოყალიბებისთვის, რადგან ეს ქვეყნის ტერიტორიული მთლიანობის აღდგენის საკითხთან არის დაკავშირებული.
კობახიძემ მთავრობისთვის უნდობლობის გამოცხადების პროცედურაზეც გაამახვილა ყურადღება. და თქვა, რომ კონსტიტუციის 81-ე მუხლი საკონსტიტუციო კომისიის მსჯელობის ერთ-ერთი საგანი უნდა იყოს და აუცილებელია გაითვალისწინონ ვენეციის კომისიის ერთ-ერთი შენიშვნა მთავრობისთვის უნდობლობის გამოცხადების პროცედურასთან დაკავშირებით.
ირაკლი კობახიძემ სტუდენტებთან შეხვედრაზე პრეზიდენტის ინსტიტუტის შესახებაც ისაუბრა და აღნიშნა, რომ ყველაზე მეტი ცვლილება კონსტიტუციაში პრეზიდენტის ნაწილს სჭირდება.
შორენა ხვიჩია დეტალებით.