"პარი სენ ჟერმენმა" იულიან დრაქსლერის ტრანსფერი ოფიციალურად დაადასტურა. ფრანგულმა საფეხბურთო კლუბმა "ვოლფსბურგს", გერმანელი ნახევარმცველის სანაცვლოდ, 42 მილიონი ევრო გადაუხადა. თავად დრაქსლერი, ხელფასის სახით, თვეში, 850 ათას ევროს მიიღებს.

ეს იქნება ზამთრის სატრანსფერო ფანჯრის ერთ-ერთი პირველი ხმაურიანი გარიგება. გერმანიის ნაკრების მოთამაშე, ახალ კლუბს ლიგა ერთის გათამაშების მეორე წრიდან შეუერთდება.

შეგახსნებთ, რომ "პარი სენ ჟერმენი" საფრანგეთის ჩემპიონატის მოქმედი გამარჯვებულია. უნაი ემერის გუნდი ამჟამად შიდა პირველობაზე მესამე ადგილზეა, ხოლო ჩემპიონთა ლიგის გათამაშებაზე მერვედფინალშია გასული, სადაც, ორი მატჩის ჯამში, ურთიერთობას, "ბარსელონასთან" გაარკვევს.