გია ცაგარეიშვილი რეზონანსულ საქმეზე დაკითხეს. შეწყალების კომისიის ყოფილი წევრი ამბობს, რომ გირგვლიანის მკვლელობაში მსჯავრდებული პირების შეწყალება წინასწარ დადგმული დანაშაულებრივი სქემა იყო.
ცაგარეიშვილი მოწმის სახით საქმის იმ ეპიზოდზე დაიკითხა, რაზეც უფლებამოსილების ბოროტად გამოყენების მუხლით ყოფილი პრეზიდენტია ბრალდებული.
მოწმის თქმით, სანდრო გირგვლიანის მკვლელობაში მსჯავრდებული პირების შეწყალებაზე მან მედიით შეიტყო, ინფორმაციის გაცნობიდან მალევე კი პროტესტის ნიშნად შეწყალების კომისია დატოვა.
მოწმემ თქვა, რომ პრეზიდენტმა მსჯავრდებულები შეწყალების კომისიის გვერდის ავლით შეიწყალა. სანდრო გირგვლიანის მკვლელობის საქმეზე მსჯავრდებული პირები პრეზიდენტმა 2008 წელს შეიწყალა და მათ სასჯელი გაუნახევრდათ.