საზოგადოებრივი მაუწყებლის გენერალური დირექტორის პოსტისთვის 15 კანდიდატი იბრძოლებს.
ერთთვიანი ვადა ამოიწურა: კონკურსში მონაწილეობის მსურველთა განაცხადების მიღება საათ-ნახევრის წინ დასრულდა.
მომდევნო პროცედურა ორ ეტაპად იქნება დაყოფილი: ფარული კენჭისყრის გზით მეორე ტურში გადასულ კანდიდატებს სამეურვეო საბჭო 4 და 5 იანვარს მოუსმენს. 6-ში კი კანდიდატურების კენჭისყრა გაიმართება.
პროცესი საჯარო იქნება. დირექტორის პოსტის დასაკავებლად სამეურვეო საბჭოს წევრთა უმრავლესობის ხმაა საჭირო.
ტელევიზიის ხელმძღვანელობის მსურველებს შორის არიან საზოგადოებრივის გენერალური დირექტორის მოვალეობის შემსრულებელი და გადაცემა ,,რეალური სივრცის” ავტორი და წამყვანიც.
რვაკაციან ბორდთან შეხვედრამდე კანდიდატები საკუთარ ხედვასა და პრიორიოტეტებზე სალომე ქოქიაშვილს ესაუბრნენ.