სომხეთში, ბუნებრივი აირის ტრანზიტთან დაკავშირებით ხელშეკრულების ვადა სამ დღეში გადის, შეთანხმება კი საქართველოსა და „გაზპრომს" შორის ამ დრომდე ვერ ხერხდება.
ენერგეტიკის მინისტრმა მოლაპარაკებების მეორე რაუნდი ვენაში გამართა, თუმცა „გაზპრომის" მოთხოვნა კვლავ უცვლელი რჩება. ის საქართველოს სომხეთში გაზის ტრანზიტისთვის 10%-ის თანხით გადახდას სთავაზობს, ქართულ მხარეს კი სურს გატარებული ბუნებრივი აირის 10%-ი კვლავ ნედლეულის სახით მიიღოს.
მოქმედ ხელშეკრულებას ვადა 31 დეკემბერს ეწურება, თუმცა ენერგეტიკის სამინისტროში იმედი აქვთ, რომ მოლაპარაკება საბოლოოდ მაინც შედგება.
შეგახსენებთ, აღნიშნული ხელშეკრულება „გაზპრომთან" ერთი წლის ვადით ყოველწლიურად იდება და მსგავსი მოთხოვნა რუსულ ენერგოგიგანტს 2015 წელსაც ჰქონდა.