„ოლიმპიური ვარსკვლავის" ამხანაგობის წევრმა რამდენიმე ოჯახმა კანცელარიის წინ აქცია გამართა. მათი თქმით, კომპანიას მთავრობამ 2016 წლის თებერვალში საგადასახადო ვალი ჩამოაწერა, თუმცა „ოლიმპიური ვარსკვლავის” ხელმძღვანელებმა ნახევარი მილიონი 31 დეკემბრამდე მაინც უნდა გადაიხადონ, წინააღმდეგ შემთხვევაში მშენებლობის პროცესი ვერ განახლდება. აქციის მონაწილეები გიორგი კვირიკაშვილთან შეხვედრას ითხოვდნენ.
ბრალდებას უპასუხა სამშენებლო კომპანიამ. მათი განცხადებით, ვალის გადახდა 31 დეკემბრამდე მოხდება და სამშენებლო პროცესის განახლებას ხელს ვერაფერი შეუშლის.
„ოლიმპიური ვარსკვლავის” საზოგადოებასთან ურთიერთობის მენეჯერის თქმით, ამხანაგობის წევრი 300 ოჯახიდან რამდენიმე ცრუ ინფორმაციას ავრცელებს და აქციებს პირადი ინტერესების გამო მართავს.