ერთ კვირაში გახმაურებული საქმის ფიგურანტები, სავარაუდოდ, ციხეს დატოვებენ. საუბარია კუდ-ის სამ ყოფილ მაღალჩინოსანზე, რომლებიც პირადი ინფორმაციის შემცველი ფარული ჩანაწერების მოპოვება-შენახვის ბრალდებით არიან დაკავებულები.

სასამართლომ არსებითი განხილვის დასრულება წინასწარი პატიმრობის ცხრათვიან ვადაში ვერ მოასწრო. ასეთ შემთხვევაში კი კანონი ბრალდებულების საპატიმრო დაწესებულებიდან გათავისუფლებას ითვალისწინებს.

არსებითი განხილვის დროულად არდასრულების გამო, ბრალდების და დაცვის მხარეები ერთმანეთს ადანაშაულებენ.