საქართველოს პირველ ტელევიზიაში ყოველთვის გამორჩეული იყო საახალწლო ეთერი. ყოველ ახალ წელს არხი მოსახლეობას საინტერესო და მრავალფეროვან ეთერს სთავაზობდა.
მაყურებელს დღესასწაულს საზოგადოებისთვის ცნობილი ადამიანები ულოცავდნენ, ეწყობოდა კონცერტები ტელე-სახეების მონაწილეობით.
ასევე გეტყვით, თუ როგორი იქნება წელს საზოგადოებრივის საახალწლო პროგრამა. ხვალ დილიდან თითქმის ყველა გადაცემა მაყურებლის სადღესასწაულო განწყობის შექმნაზე იზრუნებს.
დღის ბოლოს დაჯილდოვების ცერემონია ,,წლის საუკეთესო” გელოდებათ, რომელიც უკვე მეორედ ტარდება. სწორედ ხვალ დასახელდებიან 12 ნომინაციაში წლის ადამიანები, ინსტიტუციები და მოვლენები. ოპერის თეატრში მიმდინარე ცერემონიის შემდეგ პირველი არხი ვარდების მოედანზე დაგეგმილი საახალწლო კონცერტის პირდაპირ ტრანსლაციას დაიწყებს.
ხვალ და მომდევნო დღეებში ტელევიზია მაყურებელს საახალწლო თემატიკაზე გადაღებულ ფილმებსაც გაახსენებს.