60 წელი თქვენთან ერთად-დრო, რომელიც უკვე ისტორიის საკუთრებაა. დღევანდელი დღე ტელევიზიამ საზეიმო ვითარებაში დაიწყო. საიუბილეო თარიღი სხვადასხვა ღონისძიებით აღინიშნა.
სიმბოლური საჩუქრები მოქმედი და ყოფილი თანამშრომლებისთვის, საზეიმო მიღება და კონცერტი: დღის კულომინაცია კი ტელევიზიის შესასვლელში გამართული ცერემონია იყო.
,,მადლობა ერთგულებისთვის”-ასეთი წარწერა ერთვის შენობის პირველ სართულზე განთავსებულ სიმბოლურ მონუმენტებს, რომლებიც ტელევიზიის 12 ლეგენდერაული წამყვანის სახელობისაა.
მონუმენტებზე ლია მიქაძის, ალექსანდრა მაჭავარიანის, ჯულიეტა ვაშაყმაძის, ჟანეტა არჩვაძის, დონარა კინწურაშვილის, მანანა მაჩაბლის, თინა მგალობლიშვილის, ირინა მათიაშვილის, ირმა გურიელის, დავით სოკოლოვის, თენგიზ ნათაძის და ნუგზარ ჯუღელის სახელები და გვარებია დატანილი.
ამ ჟესტით საზოგადოებრივი მაუწყებელი კიდევ ერთხელ მადლობას უხდის ადამიანებს, რომელთა ღვაწლი საქართველოს პირველი ტელევიზიის დაარსების, არსებობის და განვითარების პროცესში ფასდაუდებული და განსაკუთრებულია.