დღეს 2016 წლის 30 დეკემბერია - საქართველოს პირველი ტელევიზიის დაარსებიდან 60 წელი გავიდა. "მოამბის" საიუბილეო გამოშვებას ლია მიქაძე და თამთა სანიკიძე წარმოგიდგენთ.

უჩვენებს ქართული ტელეხედვის სტუდია-ეს ფრაზა ბევრ თქვენგანს დღემდე კარგად ახსოვს. 60 წლის წინ 40 კვადრატული მეტრი ფართობის სასტუდიო-სააპარატო ოთახში დაწყებული მაუწყებლობა, დროსთან ერთად, სულ უფრო მრავალფეროვანი ხდებოდა.

საეთერო ბადე საინფორმაციო გამოშვებებით, ახალი გადაცემებით და მხატვრულ-დოკუმენტური ფილმებით ივსებოდა. შეიცვალა მისამართიც- 1966 წლიდან ტელევიზია ლენინის (ახლა კოსტავას) 68-ში მდებარე შენობაშია განთავსებული.

წლების შემდეგ პირველი არხის საინფორმაციო გამოშვებების სტუდიაში პირველი ქართული ტელევიზიის პირველი წამყვანის ლია მიქაძის ნახვა განსაკუთრებულად სასიამოვნოა.