2016 წელი გამორჩეულ წლად შევა დიდი ბრიტანეთის ისტორიაში - 23 ივნისს გამართული რეფერენდუმი მოულოდნელი შედეგით დასრულდა -გაერთიანებული სამეფოს მოსახლეობის უმრავლესობამ ევროკავშირიდან გასვლას დაუჭირა მხარი. შედეგად ლონდონის და ბრიუსელის 43-წლიანი პოლიტიკურ-ეკონომიკური ურთიერთობა ახალ ეტაპზე გადადის.

ბრექსიტის შედეგები იმდენად რეზონანსული აღმოჩნდა, რომ მეშვიდე თვეა ქვეყანაში მთავარი სასაუბრო თემა ევროკავშირისთვის ნათქვამი უარია. რეფერენდუმმა გავლენა მოახდინა სადღესასწაულო სამზადისზეც - "ქრისმასის" ნაცვლად გაჩნდა ახალი სიტყვა "ბრექსმასი".

დაახლოებით სამსაათნახევარში ლონდონში ახალი წელი დადგება. იქ ,,მოამბის” ჟურნალისტი ოთარ გიორგაძე მუშაობს.