ეროვნული არქივის კიდევ ერთი უნიკალური პროექტი - 100-ზე მეტი დასახელების დიაფილმი ორიგინალ ესკიზებთან ერთად შეგროვდა და რესტავრაცია ჩატარდა. მათი ნახვა ეროვნული არქივის საგამოფენო სივრცეშია შესაძლებელი.

ქართული დიაფილმის ისტორია 50-იანი წლებიდან იწყება. ზღაპრების, თქმულებების და ანიმაციური ფილმების გმირებს მხატვრები თვეების განმავლობაში ხატავდნენ და სლაიდებს ამზადებდნენ. თუმცა 90-იანი წლებიდან დიაფილმების წარმოება შეჩერდა და თანამედროვე ტექნოლოგიებით და სლაიდ-შოუებით ჩანაცვლდა.