რეზონანსული საქმის ხელახალი სასამართლო განხილვა გრძელდება. "თელასის" ფინანსური დირექტორის - ნიკა ლომინაძის მკვლელობის საქმეზე დღეს რამდენიმე მოწმე დაკითხეს.

მედიისთვის დახურული სხდომის შემდეგ ადვოკატები ამბობენ, რომ მოწმეებმა წინა ჩვენებების ზეწოლით მიცემა და საქმის გაყალბებული მტკიცებულებებით გამყარება დაადასტურეს.

დაცვის მხარის ინფორმაციით, მოწმეებმა ის ყოფილი მაღალჩინოსნებიც დაასახელეს, რომლებიც სისტემურ დანაშაულში მონაწილეობდნენ.

მომდევნო პროცესი 5 იანვარსაა ჩანიშნული, რის შემდეგაც ადვოკატები განაჩენის გამოცხადებას ვარაუდოებენ.

ხელახალი განხილვების შემდეგ საქმეში მსჯავრდებული გია გვიჩიანი და ნიკა ჩემია გამამართლებელ ვერდიქტს ელოდებიან და თავს უდანაშაულოდ აცხადებენ.

შეგახსენებთ, რომ მათ ჯერ უვადო პატიმრობა ჰქონდათ მისჯილი, მოგვიანებით კი სასჯელი 20-20- წლიანი პატიმრობით შეეცვალათ.