ღვინის ექსპორტის 38-პროცენტიანი ზრდა. ასეთია გასული წლის მაჩვენებელი. საქართველოდან მსოფლიოს 53 ქვეყანაში 114 მილიონი დოლარის 50 მილიონამდე ბოთლი შევიდა.

ტრადიციული ბაზრების გარდა, ქართულ ღვინოზე მოთხოვნა გაიზარდა ევროკავშირში, ჩინეთსა და ამერიკაში.

ექსპორტიორი ქვეყნების ხუთეულს რუსეთი ლიდერობს, 49 პროცენტით, რაც აღემატება 2015 წლის შედეგს. შემდეგ უკრაინა მოდის, 6 მილიონი ბოთლით, უკრაინაში 70 პროცენტით გაიზარდა ღვინის ექსპორტი. საკმაოდ დიდი, თითქმის 100%-იანი მატებაა ჩინეთის ბაზარზე, სადაც მეღვინეებმა 5 მილიონი ბოთლი ღვინო შეიტანეს.

ამ ქვეყნებს მოსდევს ყაზახეთი 3 მილიონით, და პოლონეთი 2 მილიონი ბოთლი ღვინით. უცხო ქვეყნების ბაზრებზე ყველაზე პოპულარული ბრენდებია „ქინძმარაული“, „მუკუზანი“, „წინანდალი“, „ახაშენი“ და „ხვანჭკარა“.