ხანძარი დუისში. დამწვარია რეგიონული განვითარების ფონდის სასწავლო ცეტრის ნაწილი. დაწესებულების თანამშრომლები ხანძრის განზრახ გაჩენაზე საუბრობენ.
მათი ინფორმაციით, შენობის მეორე სართული და კიბეები გაჟღენთილი იყო საწვავით. ცეცხლის ლოკალიზება შენობის დარაჯმა მოსახელობის დახმარებით შეძლო.
ადგილზე ასევე მობილიზებული იყო სახანძრო ბრიგადაც. ხანძრის შედეგად დაიწვა ოთახი, სადაც ტექნიკა იყო განთავსებული.
ცენტრის თანამშრომლების თქმით აღნიშნული ქმედება წინასწარ იყო დაგეგმილი, რადგან, მათივე თქმით, მოსახლეობის გარკვეული ნაწილისთვის მათი საქმიანობა, რომელიც გენდერულ საკითხებს ეხება, მიუღებელია, რის გამოც იყო მუქარის შემთხვევები.
დუისში მომხდარ ფაქტთან დაკავშირებით, დღეს მოსახლეობა ცენტრის მხარდარდამჭერ აქციას გამართავს.
შინაგან საქმეთა სამინისტროს ინფორმაციით, აღძრულია სისხლის სამართლის საქმე, რაც ნივთის დაზიანებას ან განადგურებას გულისხმობს.