ურთიერთბრალდებები მწვავდება: ,,ნაციონალური მოძრაობის” ლიდერების ნაწილი, 20 იანვარს დაგეგმილ მასშტაბურ ყრილობას არალეგიტიმურად აცხადებს და პროცესს ემიჯნება.
ორადაა გაყოფილი რაიონული და საქალაქო ორგანიზაციებიც. ბოკერიას ფრთა თანაპარტიელებს ცილისმწამებლური კამპანიის აგორებაში ადანაშაულებს და ხაზს უსვამს, რომ ყრილობის საორგანიზაციო კომისია პოლიტსაბჭოს წესების დარღვევით მოქმედებს, თუმცა საპირისპიროს ამტკიცებს და საბოტაჟის მცდელობაზე საუბრობს მიხეილ სააკაშვილის გუნდი, რომელსაც, დღეს, ნიკა მელიაც შეუერთდა. ყოფილი პრეზიდენტის მხარდამჭერები 7 000-კაციანი ყრილობისთვის მზადებას განაგრძობენ და დელეგატებსაც არჩევენ.
დღეს გაკეთებული მწვავე განცხადებების გამო, ბოკერიას გუნდის განსაკუთრებული კრიტიკის სამიზნე სწორედ მელია გახდა, რომელიც ცოტა ხნის წინ, ციხეში გიგი უგულავას შეხვდა.