თბილისის სააპელაციო სასამართლო გიგი უგულავასა და დავით კეზერაშვილის მიმართ დღეს განაჩენს გამოაცხადებს.
საქმე ”თბილსერვის ჯგუფში” ყოფილი მმართველი პარტიის აქტივისტების დასაქმებას და ამით სახელმწიფოს კუთვნილი თანხების გაფლანგვასა და რიყის პარკის ტერიტორიის გასხვისებას ეხება.
”თბილსერვის ჯგუფის” ეპიზოდზე თბილისის საქალაქო სასამართლომ გიგი უგულავა გაამტყუნა და 4 წლით და 6 თვით თავისუფლების აღკვეთა მიუსაჯა. რიყის ტერიტორიის გასხვისების ეპიზოდში პირველი ინსტანციის სასამართლოს გადაწყვეტილებით, თბილისის ყოფილი მერე და თავდაცვის მინისტრი გამართლდნენ.
ბრალდება მათ უკანონო შემოსავლების ლეგალიზებას ედავებოდა. მათ მიმართ გამამართლებელი განაჩენი პროკურატურამ გაასაჩივრა, თბილისის ყოფილი მერის მიმართ გამოტანილი გამამტყუნებელი განაჩენი მისმა ადვოკატებმა გაასაჩივრეს.