დღესვე ცნობილი ხდება, რომ საზოგადოებრივი მაუწყებლის სამეურვეო საბჭოს უფლება-მოვალეობები გადაიხედება. ტელევიზიის საინიციატივო ჯგუფის მოთხოვნა დაკმაყოფილდა.

პარლამენტში სამუშაო ჯგუფი იქმნება, რომელიც მაუწყებლის შესახებ კანონში შესატან ცვლილებებზე იმუშავებს.

ტელევიზიის თანამშრომელთა ნაწილი კანონის იმ პუნქტების შეცვლას ითხოვს, რომლებიც ბორდის უფლებამოსილებებს განსაზღვრავს. საინიციატივო ჯგუფის აზრით, საბჭოს და გენერალური დირექტორის ფუნქციები ხშირ შემთხვევაში ერთმანეთს ემთხვევა.