ორწელიწადნახევრიანი პატიმრობის შემდეგ გიგი უგულავა თავისუფალია. ე.წ. მატროსოვის ციხე თბილისის ყოფილმა მერმა ერთი საათის წინ დატოვა.
სასჯელაღსრულების დაწესებულებასთან გაკეთებულ პირველივე განცხადებაში თბილისის ყოფილმა მერმა რამდენიმე დღის წინ სასამართლო დარბაზში წარმოთქმული სიტყვები გაიმეორა და გარკვეულ შეცდომებზე ისაუბრა. კომენტარი გაკეთდა ,,ნაციონალურ მოძრაობაში” არსებულ შიდა დაპირისპირებაზეც.
სასჯელაღსრულების დაწესებულებიდან დედაქალაქის ყოფილი მერის გაშვება სააპელაციო სასამართლოს მოსამართლემ გადაწყვიტა, რომელმაც დღეს მსჯავრდებულს ,,თბილისერვისის” საქმეზე წაყენებული მუხლი გადაუკვალიფიცირა და ოთხწელიწადნახევრიანი სასჯელი გაუნახევრა.
რიყის ეპიზოდში კი, როგორც გიგი უგულავა, ასევე დავით კეზერაშვილი გამართლდნენ. პროკურორი გადაწყვეტილების გასაჩივრებისთვის ემზადება.