ფსიქიატრების ნაწილი ჯანდაცვის სამინისტროს ახალ რეგულაციებს აპროტესტებს. პირველი იანვრიდან სახელმწიფოს ბალანსზე მყოფი ფსიქიატრიული კლინიკები განსხვავებული სქემით დაფინანსდებიან.

მცირდება მწვავე პაციენტებისთვის გამოყოფილი თანხის მოცულობა, ამავე გეგმით საავადმყოფოები, მათ მიერ მოთხოვნილი ბიუჯეტის ნაცვლად, ფიქსირებულ თანხას მიიღებენ, რაც კლინიკების ერთი ნაწილისთვის დაფინანსების განახევრებას ნიშნავს.

გადაწყვეტილების გამო, რამდენიმე ფსიქიატრიული დაწესებულება მუშაობის შეჩერებას აანონსებს. თანამშრომლების ნაწილი სამსახურიდან გაშვების შესახებ უკვე გააფრთხილეს.