იანვარი 7, 2017
187
თბილისში დღეს საშობაო ალილო გაიმართება. შობის დღესასწაულთან დაკავშირებით, ალილო 14:00 საათზე ვარდების მოედნიდან დაიწყება.
მსვლელობის მონაწილეები გაივლიან რუსთაველის გამზირს, თავისუფლების მოედანს, პუშკინისა და ბარათაშვილის ქუჩებს. მსვლელობა სამების საკათედრო ტაძარში დასრულდება, სადაც სასულიერო პირები პარაკლისს გადაიხდიან.
ალილოს მონაწილეები ჯერ რუსთაველზე, პარლამენტის შენობის წინ შეჩერდებიან, სადაც მათ პარლამენტის თავმჯდომარე და დეპუტატები ტკბილეულით დახვდებიან. მსვლელობის მონაწილეები პრეზიდენტის სასახლისკენაც გადაინაცვლებენ.
შემოწირულობებს ყოვლადწმინდა სამების ტაძარში მიიტანენ, მოგვიანებით კი, ბავშვთა სახლებსა და უმწეოთა თავშესაფრებში გადაანაწილებენ. საშობაო მსვლელობა რეგიონებშიც გაიმართება.
მაჩვენე მეტი