კულტურული მემკვიდრეობის დაცვის ეროვნული სააგენტოს მონიტორინგის ჯგუფმა, აქამდე უცნობი არქეოლოგიური ობიექტი დააფიქსირა, რომელიც კახეთში, ივრის ნაპირზე, კოწახურას ქედის სამხრეთ-აღმოსავლეთით მდებარეობს.

ობიექტი, სავარაუდოდ, ანტიკური ხანის ნაქალაქარს წარმოადგენს, რომელთანაც ბრინჯაოს ხანის ყორღანი მდებარეობს და რომლის მასშტაბიც აქამდე შესწავლილ ყორღანებს აღემატება.

კულტურული მემკვიდრეობის დაცვის ეროვნულ სააგენტოს, 2017 წელს კომპლექსის კვლევის დაწყება აქვს დაგეგმილი, რომელშიც საერთაშორისო წამყვანი არქეოლოგიური ინსტიტუციები ჩაერთვებიან.