თურქმა სამართალდამცვლეებმა სტამბოლის ღამის კლუბში 1 იანვრის ღამეს განხორციელებული თავდასხმის ორგანიზატორის ვინაობა დაადგინეს. ის უზბეკეთის მოქალაქე აბდულგადირ მაშარიპოვია, რომელიც ასევე აბუ-მუჰამედ ჰორასნის სახელითაა ცნობილი. ამის შესახებ ინფორმაციას თურქული გაზეთი ავრცელებს.
გამოცემის ცნობით, სამძებრო ოპერაციები მთელი ქვეყნის მასშტაბით მიმდინარეობს, თუმცა ხელისუფლებაში არ გამორიცხავენ, რომ ეჭვმიტანილმა თურქეთის დატოვება შეძლო.
პირველ ეტაპზე პოლიცია შესაძლო თავდამსხმელად ყირგიზეთის მოქალაქეს, 28 წლის ლაკხე მაშრაპოვს განიხილავდა, თუმცა ყირგიზელი სპეცსამსახურების მიერ განხორციელებული დაკითხვის დროს გამოირკვა, რომ მამაკაცს ტერაქტთან კავშირი არ აქვს.
ღამის კლუბში განხორციელებულ თავდასხმას 39 ადამიანის სიცოცხლე ემსხვერპლა .