სერბეთის კურორტ კოპაონკში დასრულებულ სნოუბორდისტთა საერთაშორისო ტურნირზე, წარმატებით გამოვიდნენ ქართველი სპორტსმენები, რომლებიც სლოპსტაილის და ბიგ აირის დისციპლინებში მეოთხე ადგილებზე გავიდნენ და მცირედი დააკლდათ საპრიზო ადგილების დასაკავებლად, რაც დებიუტანტებისთვის უდავოდ დიდი წარმატებაა.

ქართველმა სნოუბორდისტებმა სლოპსატილში და ბიგ აირში 25-25 სარეიტინგო ქულა მოიპოვეს, რამაც მათ უფლება მისცა მსოფლიოს ჩემპიონატზე იასპარეზონ.

მსოფლიო ჩემპიონატი 7-დან 19 მარტის ჩათვლით, ესპანეთის კურორტ სიერა ნევადაში გაიმართება. იმ შემთხვევაში თუ ქართველი სპორტსმენები 30 საუკეთესოში მოხვდებიან, ავტომატურად მოიპოვებენ 2018 წლის ზამთრის ოლიმპიური თამაშების ლიცენზიებს.