„ერთიანი ნაციონალური მოძრაობის" ყრილობას, რომელიც 20 იანვარს არის დაგეგმილი, ხულოდან პარტიის 58 დელეგატი დაესწრება.
რაიონული ორგანიზაციის წარმომადგენლებმა გადაწყვეტილება, დღეს, ღია ცის ქვეშ მიიღეს.
პარტიის წვერებს, რომლებიც ოფისში კონფერენციის ჩასატარებლად მივიდნენ, კარი დაკეტილი დახვდათ - პარტიის რეგიონული ორგანიზაციის თავმჯდომარის დავალებით.
კახა დეკანაძის თქმით, ორგანიზაციის დანარჩენმა ლიდერებმა მასთან შეთანხმების გარეშე გადაწყვიტეს კონფერენციის ჩატარება, რასაც თავად არ დაეთანხმა.
ცნობილია, რომ კახა დეკანაძე 7 000 დელეგატიანი ყრილობის ჩატარებას არ ეთანხმება. იმის გამო, რომ აჭარის რაიონული ორგანიზაციებიდან მხოლოდ ხულოს არ ჰყავდა დღემდე არჩეული დელეგატები.
რაიონული ოფისის თავმჯდომარე ამბობს, რომ ხულოში „ნაციონალური მოძრაობა" ფლანგებად და გუნდებად არ არის გაყოფილი, თუმცა ფაქტია, რომ მისი წინააღმდეგობის მიუხედავად კონფერენცია ჩატარდა და დელეგატებიც აირჩიეს.
კახა დეკანაძე კონფერენციას არალეგიტიმურად აცხადებს.