კონკურენციის სააგენტომ „ბუქინგ-ქომის“ მხრიდან კონკურენციის შესაძლო დარღვევაზე მოკვლევა არ დაიწყო.
საკითხის მოკვლევა „კონკურენციის სამართლისა და მომხმარებელთა დაცვის ცენტრის" განაცხადის საფუძველზე უნდა დაწყებულიყო.
ორგანიზაცია მიიჩნევდა, რომ „ბუქინგ-ქომის“ ხელშეკრულება ქართულ სასტუმროებთან, საქართველოს კონკურენციის კანონმდებლობასთან შეუსაბამო იყო.
სააგენტომ მხარეებისგან საპასუხო განცხადებები გამოითხოვა და ხელშეკრულებების პირობები შეისწავლა.
შედეგად დაადგინა, რომ „ბუქინგ-ქომის“ სახელშეკრულებო პირობები, საქართველოს ბაზარზე კონკურენციას ზიანს არ აყენებს.
ამასთან, სააგენტო გეგმავს, მოქმედი ეკონომიკური აგენტების საქმიანობის საქართველოს კონკურენციის კანონმდებლობასთან შესაბამისობის დადგენის მიზნით, ბაზრის მონიტორინგი განახორციელოს.