უამინდობის გამო, სტამბოლიდან თბილისის მიმართულებით ოთხი რეისიდან სამი გადაიდო. აქედან ერთი ათათურქის, ხოლო ორი გოგჩენის აეროპორტიდან უნდა შესრულებულიყო.

თბილისში გამომგზავრებას ვერ ახერხებენ მგზავრები, რომლებსაც ფრენა სტამბოლის გავლით აქვთ. მათ შორისაა "მოამბის" გადამღები ჯგუფი, რომელიც ბარსელონაში რეპორტაჟის მოსამზადებლად იმყოფებოდა და სამშობლოში გუშინ უნდა გამოფრენილიყო.

ავიაკომპანიამ მგზავრები, რეისის გადადების გამო, სასტუმროში დააბინავა. ჟერჯერობით უცნობია, როდის აღდგება ფრენები სტამბოლი-თბილისის მიმართულებით.