ბოლო პერიოდში პანკისის ხეობაში არასამთავრობო ორგანიზაციების წინააღმდეგ მიმართულ ქმედებებზე სოფელ დუისში დღეს დისკუსია გაიმართა.
დაინტერესებული მხარეები კახეთის რეგიონული განვითარების ფონდის ოფისზე თავდასხმის ფაქტის გამოძიებას და დამნაშავეების დასჯას მოითხოვენ.
შეხვედრაზე მიწვეულმა სტუმრებმა აღნიშნეს, რომ არსებობენ ძალები, რომელთაც ხეობაში დაძაბულობის შექმნა სურთ.
სამოქალაქო სექტორისა და ხელისუფლების წარმომადგენლებმა შენობის დაწვის მცდელობა შეაფასეს, როგორც კრიმინალური ფაქტი.
დისკუსიაში მონაწილე გარკვეულ რადიკალურ ჯგუფებს კი არ დაუმალავთ, რომ ცენტრის საქმიანობა მათთვის მიუღებელია, თუმცა მათ დღეს პირობა დადეს, რომ ხელისშეშლის მცდელობა არ იქნება. დისკუსია პანკისის სათემო რადიოს ორგანიზებით გაიმართა.