"მერსედესმა" ორ მილიონზე მეტი ავტომობილის რეალიზება შეძლო, რასაც მენეჯმენტი მხოლოდ 2020 წლისთვის ვარაუდობდა. შედეგად, გერმანულმა ავტომწარმოებელმა კონკურენტებს შორის ლიდერობა კვლავ დაიბრუნა.

"მერსედესის" გაყიდვები ძირითადად ახალგაზრდა მომხმარებლის წყალობით გაიზარდა, რომელიც ყველგანმავალების ახალ მოდელებს სულ უფრო მეტად ეტანება.

საერთო ჯამში მერსედესის გაყიდვებმა გასულ წელს 11 პროცენტიანი ზრდა აჩვენა. ასევე კომპანიისთვის წამატებული აღმოჩნდა ჩინეთის ბაზარი, სადაც ნახევარ მილიონამდე ავტომობილის გაყიდვა შეძლო, შემდეგ მოდის ამერიკისა და გერმანიის ბაზრები.