პარტიებისა და საარჩევნო სუბიექტების მიერ მიღებულმა შემოწირულებებმა 2016 წელს 34 მილიონ 465 ათასი ლარი შეადგინა. ამის შესახებ სახელმწიფო აუდიტის სამსახურის მიერ გამოქვეყნებულ სტატისტიკაშია ნათქვამი.

დოკუმენტი პოლიტიკური პარტიებისა და საარჩევნო სუბიექტების მიერ 2016 წელს მიღებულ შემოწირულებებს მოიცავს.

პოლიტიკოსების მიერ წარმოდგენილი ინფორმაციის შესაბამისად, 2016 წელს ყველაზე მეტი შემოწირულება – 22 მილიონ, 995 ათას 584 ლარი „ქართულმა ოცნებამ“ მიიღო. მეორე ადგილზეა მოძრაობა „სახელმწიფო ხალხისთვის“, შემდეგ მოდის „საქართველოს პატრიოტთა ალიანსი“, „ერთიანი ნაციონალური მოძრაობა“, „თავისუფალი დემოკრატები“, ახალი პოლიტიკური ცენტრი „გირჩი“ და სამოქალაქო პლატფორმა - „ახალი საქართველო“ .