საქართველოს საგარეო საქმეთა მინისტრი თურქეთის რესპუბლიკაში ოფიციალურ ვიზიტს განაგრძობს.
მიხეილ ჯანელიძე თურქეთის ამბასადორიალზე ქართველ და თურქ დიპლომატებს შორის თანამშრომლობის გააქტიურების ინიციატივით გამოვიდა. მან თურქეთის ელჩების მე-9 კონფერენციაში მიიღო მონაწილეობა და დიპლომატებს სიტყვით მიმართა.
მინისტრის ინიციატივით, ქართველ და თურქ დიპლომატებს შორის თანამშრომლობა უნდა გააქტიურდეს. საგარეო უწყების ხელმძღვანელმა გამოსვლაში საქართველოს საგარეო პოლიტიკურ პრიორიტეტებსა და ქვეყნის ეკონომიკურ და საინვესტიციო პოტენციალზე ისაუბრა.
მინისტრმა ყურადღება საქართველოს ოკუპირებულ ტერიტორიებზე არსებულ ვითარებაზე გაამახვილა. მიხეილ ჯანელიძემ მკაცრად დაგმო უკანასკნელ პერიოდში, თურქეთში მომხდარი ტერორისტული აქტები და თურქ ხალხს მიუსამძიმრა.