11 იანვარი, 2017
• რუსეთის თავდაცვის სამინისტრო აფხაზეთში, სოფელ წებელდაში რუსეთის მიერ სამხედრო პოლიგონის მშენებლობას უარყოფს.

• საქართველოს საგარეო საქმეთა სამინისტრო რუსეთს მოუწოდებს შეწყვიტოს ოკუპირებულ ტერიტორიებზე არსებული კულტურული ძეგლების დაზიანება.

•რუსი სამხედროების მიერ წებელდას ისტორიული ძეგლის განადგურებას გმობენ სხვა უწყებებში.

•პარლამენტში საგაზაფხულო სესიის დასაწყისში პრეზიდენტის წლიურ მოხსენებასთან დაკავშირებით პოლიტიკოსები შეფასებებს აკეთებენ.

•საპარლამენტო სიიდან „ერთიანი ნაციონალური მოძრაობის” წევრების ამოღების მოთხოვნით სერგო რატიანის მიმართვის განსახილველად ცესკოს ვადა დღეს ეწურება.

•“ნაციონალურ მოძრაობაში”, ნიკა მელიას ფრთის წარმომადგენლები ვარაუდობენ, რომ დაპირისპირებული მეორე მხარე პარტიას 12 იანვარს დატოვებს.

•საქართველოს საგარეო საქმეთა მინისტრი თურქეთის ამბასადორიალზე ქართველ და თურქ დიპლომატებს შორის თანამშრომლობის გააქტიურების ინიციატივით გამოვიდა.

•საქართველოს საგარეო საქმეთა მინისტრი თურქეთის რესპუბლიკაში ოფიციალურ ვიზიტს განაგრძობს.

•დეპუტატების განცხადებით ე.წ ფარული მოსმენების შესახებ არასამთავრობო ორგანიზაციების მიერ პარლამენტში წარდგენილი მოდელი, დამოუკიდებელი სააგენტოს შექმნასთან დაკავშირებით, არც ერთ ქვეყანას არ აქვს.

•ფარული მოსმენების საკანონმდებლო რეგულირებასთან დაკავშირებით არასამთავრობო ორგანიზაციები პოზიციებს არ თმობენ.

•შეერთებული შტატების პრეზიდენტმა ბარაქ ობამამ მოქალაქეებს გამოსამშვიდობებელი სიტყვით მიმართა. ჩიკაგოში სადაც მის გამოსვლას 20 ათასზე მეტი ადამიანი ესწრებოდა, პრეზიდენტმა რასიზმი და ეკონომიკური უთანასწორობა ქვეყნის დემოკრატიისთვის ერთ-ერთ მნიშვნელოვან საფრთხედ დაასახელა.

•ცრუ ინფორმაცია და პოლიტიკური ნადირობა ალქაჯებზე – ასე გამოეხმაურა შეერთებული შტატების არჩეული პრეზიდენტი, წამყვანი ამერიკული მედიასაშუალებების მიერ გავრცელებულ ინფორმაციას, თითქოს კიბერთავდასხმების შესახებ სპეცსამსახურების მიერ მომზადებულ საიდუმლო ანგარიშში აღნიშნულია, რომ რუსეთს დონალდ ტრამპისა და ბარაქ ობამასას შესახებ კომპრომატები გააჩნია.

•ამერიკელმა სენატორებმა კონგრესის უმაღლეს პალატაში კანონპროექტი შეიტანეს, რომელიც რუსეთისთვის კიბერთავდასხმების გამო დამატებითი სანქციების დაწესებას ითვალისწინებს.

•28 ადამიანი ემსხვერპლა ავღანეთის დედაქალაქში განხორციელებულ ორ ტერორისტულ აქტს. დაშავებულია 70 ადამიანი.

•სახელმწიფო მოხელეების მოსყიდვის ბრალდებით გაეროს ყოფილი გენერალური მდივნის, პან გი მუნის ძმასა და ძმის შვილს შეერთებული შტატების ხელისუფლებამ ბრალი წაუყენა.

•პარლამენტის ეროვნულ ბიბლიოთეკაში ქართველი და ირანელი მხატვრების ნამუშევრების გამოფენა გაიხსნა.