ამერიკის შეერთებული შტატების პრეზიდენტმა მოქალაქეებს გამოსამშვიდობებელი სიტყვით მიმართა.

ჩიკაგოში, სადაც მის გამოსვლას 20 000-ზე მეტი ადამიანი ესწრებოდა, ობამამ რასიზმი და ეკონომიკური უთანასწორობა ქვეყნის დემოკრატიისთვის ერთ-ერთ მნიშვნელოვან საფრთხედ დაასახელა.

მან ასევე აღნიშნა, რომ რუსეთი და ჩინეთის მსგავსი კონკურენტები ვერ შეძლებენ მიაღწიონ ისეთივე გავლენას, როგორიც შეერთებულ შტატებს აქვს, თუ ამას საკუთარი ფასეულობების უგულებელყოფით შეერთებული შტატები არ დაუშვებს.

გამოსამშვიდობებელი სიტყვის ბოლოს პრეზიდენტმა ცრემლები ვერ შეიკავა და საკუთარ მეუღლეს, 25 წლიანი ოჯახური თანაცხოვრების, მეგობრობისა და მხარდაჭერისთვის მადლობა გადაუხადა.

ბარაკ ობამა ამერიკის შეერთებული შტატების პრეზიდენტად 2008 წელს აირჩიეს. ის პოსტს 20 იანვარს, დონალდ ტრამპის ინაუგურაციის შემდეგ დატოვებს.