იანვარი 11, 2017
67
„შრომის უსაფრთხოებისა და ჯანმრთელობის დაცვის შესახებ“ კანონპროექტში ცვლილება შედის. დაგეგმილი სიახლეები, 2016 წლის მუშაობის შედეგებთან ერთად, დღეს ინსპექტირების დეპარტამენტის უფროსმა წარადგინა.
ლევან ჟორჟოლიანის განცხადებით, კანონპროექტის მიხედვით, დამსაქმებლების შემოწმება სავალდებულო გახდება. ინსპექტირება მოხდება შერჩევითი პრინციპით და დარღვევების აღმოჩენის შემთხვევაში, დამსაქმებელი დაჯარიმდება, თუმცა, ჯარიმის ოდენობა ჯერ განსაზღვრული არ არის.
როგორც სამინისტროში აცხადებენ, კანონპროექტზე მუშაობა ამ დრომდე მიმდინარეობს და იგი ეკონომიკის სამინისტროს უახლოეს მომავალში წარედგინება. ცვლილება ძალაში, სავარაუდოდ, 2017 წლის პირველ ნახევარში შევა.
მაჩვენე მეტი