საქართველოს წყალბურთელთა ნაკრებმა, მსოფლიო ლიგის გათამაშებაში, გუშინ, მეორე მატჩი გამართა და სამწუხაროდ, მეორე მარცხი განიცადა.

ქართველი წყალბურთელები მილანში ტიტულოვან იტალიის ნაკრებს დაუპირისპირდნენ. აღსანიშნავია, რომ ჩვენებმა მატჩის პირველი მეოთხედი 2-1 მოიგეს. ამის შემდეგ კი ფავორიტმა იტალიის ეროვნულმა გუნდმა მოიპოვა უპირატესობა და საბოლოოდ ანგარიშით 14-5 გაიმარჯვა.

ქართველთა მხრიდან ორ-ორი გოლი ანდრო ბითაძემ და მარკო ელაჩამ გაიტანეს, ხოლო ერთი ბურთი, დებიუტანტი გიორგი მესხის ანგარიშზეა.

საქართველოს ნაკრები ჯგუფის მესამე შეხვედრას 14 თებერვალს, სტუმრად რუსეთის ნაკრების წინააღმდეგ ჩაატარებს