პრემიერის დღევანდელი გამოსვლის შემდეგ, „მოამბე” კიდევ ერთხელ დაინტერესდა, რა ვითარებაა დღეს ქვეყანაში არასრულწლოვნების პროსტიტუციის და ტრეფიკინგის კუთხით.
ოფიციალური სტატისტიკური მონაცემების მიხედვით, 2016 წელს ტრეფიკინგის მსხვერპლის სტატუსი სამ ადამიანს მიენიჭა, თუმცა არასამთავრობო სექტორში ვარაუდობენ, რომ მათი რაოდენობა გაცილებით დიდია.
რაც შეეხება პროსტიტუციას: ამ მიმართულებით ზუსტი სტატისტიკა არ არსებობს, რადგან ორგანიზაციებს, რომლებსაც სექს-მუშაკები მიმართავენ, ინფორმაციის გასაჯაროების უფლება არ აქვთ. კეთდება მხოლოდ ზოგადი განცხადებები, რომელთა მიხედვით, ბოლო წლებში მიმართვიანობის მაჩვენებელი შემცირებულია. თემას პირველი არხის ეთერში არაერთი რეპორტაჟი და გადაცემა მიეძღვნა, თუმცა ამ დრომდე უცნობია, რა რეაგირება მოჰყვა კონკრეტულ ფაქტებს.