ნორვეგიაში 77 ადამიანის მკვლელობისთვის გასამართლებული ანდერს ბრეივიკი აცხადებს, რომ ციხემ მისი შეხედულებები უფრო რადიკალური გახადა.

“იზოლაციამ ჩემზე სერიოზულად იმოქმედა და ამ იზოლაციის ყველაზე მთავარი ეფექტი, ჩემი რადიკალიზაციაა”, – აღნიშნა ბრეივიკმა პატიმრობის პირობების მოსმენის დროს.

მსჯავრდებულის ადვოკატი ასევე ამბობს, რომ პატიმრობამ ბრეივიკი მენტალურად დაუცველი დატოვა.

2011 წლის 22 ივლისს ანდერს ბრეივიკმა ოსლოში აფეთქება განახორციელა, რასაც რვა ადამიანის სიცოცხლე ემსხვერპლა. შემდეგ ბრეივიკი კუნძულ უტოიაზე გადავიდა და ახალგაზრდული ბანაკის წევრებს ცეცხლი გაუხსნა.