აშშ-ის თავდაცვის მდივნობის კანდიდატი, ჯეიმს მეტისი რუსეთის პრეზიდენტს ნატო-ს წევრი ქვეყნების დაყოფის მცდელობაში ადანაშაულებს.
„ბი-ბი-სის“ ინფორმაციით, სენატში მისი კანდიდატურის განხილვისას, მეტისმა განაცხადა, რომ მეორე მსოფლიო ომის შემდეგ მსოფლიო წესრიგი ყველაზე დიდი საფრთხის წინაშე აღმოჩნდა და ამ საფრთხეს წარმოადგენენ რუსეთი, ჩინეთი და ტერორისტული დაჯგუფებები.
სენატორების წინაშე გამოსვლისას მეტისმა აღნიშნა, რომ აპირებს გამოვიდეს ნატო-ს ერთიანობის გამყარებისთვის, კონკრეტულად კი, ბალტიისპირეთის ქვეყნების მხარდასაჭერად, რომლებიც რუსეთისგან საფრთხეს გრძნობენ, ასევე უკრაინის ტერიტორიული მთლიანობის მხარდასაჭერად.
თავდაცვის მდივნობის კანდიდატი აცხადებს, რომ აშშ-ს სჭირდება სამხედრო ძალის გაძლიერება. მეტისი ეთანხმება დონალდ ტრამპის აზრს, მოსკოვთან თანამშრომლობის შესახებ.