საფეხბურთო კლუბმა მადრიდის "რეალმა" ესპანეთის ახალი რეკორდი დაამყარა. სამეფო კლუბს ყველა შიდა ტურნირზე უკვე ორმოცი მატჩია არ წაუგია, რითაც "ბარსელონას" მაჩვენებელი გააუმჯობესა.

ზიდანის გუნდმა გუშინ, ესპანეთის სამეფო თასზე სტუმრად სევილიასთან ფრედ 3-3 ითამაშა. პირველი მატჩი კი, მადრიდელებს 3-0 ჰქონდათ მოგებული.

საპასუხო შეხვედრა საკმაოდ საინტერესო და ლამაზი სანახავი გამოვიდა. სევილიელები მალე დანილოს ავტოგოლით დაწიუნრდნენ და ტაიმი 1-0 მოიგეს.

რონალდოს გარეშე მოთამაშე სტუმრებმა მეორე ტაიმი სტარტზევე გაათანაბრეს. თავი მარკო ასენსიომ გამოიჩინა. უნდა აღინიშნოს, რომ "სევილიამ" ბოლომდე იბრძოლა.

ანდალუსიელები 83-ე წუთამდე, 3-1-ს იგებდნენ და თამაშს მცირე ინტირგა დაუბრუნეს. თუმცა სტუმრებმა დარჩენილ დროში ორი გოლის გატანა შეძლეს.

განსაკუთრებული აღნიშვნის ღირსია კარიმ ბენზემას მიერ გატანილი ბურთი, რომელმაც ინდივიდუალური ოსტატობის შემდეგ გამოიჩინა თავი. საბოლოოდ, ფრე 3-3. ორი მატჩის ჯამში კი, მადრიდის "რეალმა" 6-3 გაიმარჯვა და მეოთხედფინალში გავიდა, სადაც ურთიერთობას "ბარსელონასთან" გაარკვევს.