საქართველოს საპატრიარქო ოკუპირებულ აფხაზეთში, გულრიფშის რაიონში, რუსეთის უშიშროების ფედერალური სამსახურის მესაზღვრეების მიერ ისტორიული ძეგლის და მიმდებარე სასაფლაოს განადგურების ფაქტს ეხმაურება.
საპატრიარქო საგანგაშოდ მიიჩნევს მე-20 საუკუნის შუა ხანების სასაფლაოს და გვიან შუა საუკუნეების ნასოფლარის, სამაროვანის და ეკლესიის ნანგრევების განადგურებას.
“ყველანი უნდა გავერთიანდეთ, რათა წებელდეს ციხე-სიმაგრესაც საშიშროება არ დაემუქროს და, საერთოდაც, მსგავსი რამ სხვაგან რომ აღარ განმეორდეს.
ამასთან, აუცილებლობად მიგვაჩნია, ჩვენმა ხელისუფლებამ გამოძებნოს გზა, რათა იუნესკოს სპეციალისტების საშუალებით განხორციელდეს როგორც აფხაზეთში, ისე ცხინვალის რეგიონში არსებული ისტორიული ძეგლების მონიტორინგი, რადგანაც ქართველ სპეციალისტებს არ ეძლევათ შესაძლებლობა მათი დაცვა-რესტავრაციისა", – ნათქვამიოა საპატრიაქროს მიერ გავრცელებულ განცხადებაში.