მსოფლიოში სურსათზე ფასები გასულ წელს 1.5 პროცენტით შემცირდა, რაც იმას ნიშნავს, რომ უკვე მეხუთე წელია, სურსათზე ფასების ვარდნის ტენდენცია გრძელდება. ამის შესახებ გაერთიანებული ერების სურსათისა და აგრარული პროდუქტის ორგანიზაცია თავის ბოლო ანგარიშში იტყობინება. ორგანიზაციაში განმარტავენ, რომ მიუხედავად საერთო ინდექსის შემცირებისა, გასულ წელს ფასის მნიშვნელოვანი ზრდა დაფიქსირდა - მცენარეულ ცხიმზე 11.4 პროცენტი და შაქარზე 34.2 პროცენტი, თუმცა, ეს ზრდა დააბალანსა მარცვლეულის, ხორცისა და რძის პროდუქტების ფასებზე მკვეთრმა ვარდნამ.

ორგანიზაციის პროგნოზით, ძირითად სასურსათო ნედლეულზე სტაბილურ ფასებს არც წელს უნდა ველოდოთ ეკონომიკური გაურკვევლობისა და სავალუტო რყევების გამო.