ავანსის დაბეგვრა გადასახადის გადახდისგან თავის არიდების რისკს მნიშვნელოვნად ამცირებს - მიიჩნევენ ფინანსთა სამინისტროში. უწყება განცხადებას ავრცელებს და საგადასახადო კოდექსში ცვლილების მიზანს განმარტავს.
მასში აღნიშნულია, რომ საკანონმდებლო ნორმები მოწესრიგდა და ევროპულს დაუახლოვდა. ცვლილების შეტანა კი როგორც საერთაშორისო ვალდებულებამ, ისე გადასახადისგან თავის არიდების გახშირებულმა შემთხვევებმა განაპირობა.
გარდა ამისა, პრაქტიკაში არის შემთხვევები, როდესაც კომპენსაციის გადახდის ვალდებულება, არსებითად წინ უსწრებს თვითონ საქონლის მიწოდებას. საკითხი განხილული იყო ბიზნესის წარმომადგენლებთან, განსაკუთრებით, მათთან, ვისაც უშუალოდ შეეხება აღნიშნული ცვლილება", - ნათქვამია განცხადებაში.
შეგახსენებთ, 2017 წლიდან დღგ-ით დასაბეგრი ოპერაციის დროდ განისაზღვრა საკომპენსაციო თანხის ( ე.წ. ავანსის) გადახდის მომენტი, თუკი თანხის გადახდა საქონლის მიწოდებამდე განხორციელდა. ცვლილებას აპროტესტებენ სამშენებლო სექტორის წარმომადგენლები.