გურჯაანის რაიონის სოფელ ვეჯინში ერთადერთი ამბულატორია ინგრევა. ამ თემას ,,მოამბე” უკვე რიგით მეორე რეპორტაჟს უძღვნის.

როგორც ირკვევა, ადგილობრივი მუნიციპალიტეტის დაპირების მიუხედავად, სამედიცინო დაწესებულებაში ერთი წლის შემდეგაც არაფერი შეცვლილა.

პირიქით, ადგილზე არსებული პირობები კიდევ უფრო გაუსაძლისია. პაციენტებს ექიმები ისევ ავარიულ შენობაში იღებენ. ავარიული შენობისთვის ალტერნატიული ფართის გამოყოფის საკითხი წლევანდელ ბიუჯეტშიც არაა გათვალისწინებული.