პოლიტიკურ წრეებში არაერთგვაროვანი შეფასებების მიზეზი ხდება გავლენიანი საერთაშორისო ორგანიზაციის ანგარიში, რომელიც საქართველოში ადამიანის უფლებების დაცვას ეხება.
"ჰიუმან რაითს ვოთჩის" მიერ გამოქვეყნებული დოკუმენტი რამდენიმე მიმართულებას მოიცავს. მათ შორისაა სამართალდამცავების მიერ ჩადენილი შესაძლო დანაშაულებრივი ფაქტები, რა დროსაც ავტორები არასამთავრობო ორგანიზაციების ინფორმაციას ეყრდნობიან.
საუბარია 2016 წლის საპარლამენტო არჩევნებზეც, რომელიც, ორგანიზაციის შეფასებით, კონკურენტულ და თავისუფალ გარემოში ჩატარდა.
თუმცა პარალელურად, "ჰიუმან რაითს ვოთჩი" პროცედურულ დარღვევებზე და რამდენიმე ძალადობრივ შემთხვევაზეც მიუთითებს.
ანგარიშში მოხვდა მარტში გამოქვეყნებული ფარული ჩანაწერების და ყოფილი მაღალჩინოსნების წინააღმდეგ აღძრული რამდენიმე საქმე.