იანვარი 14, 2017
75
სახელმწიფოებრიობის, დამოუკიდებლობისა და თავისუფლების სიმბოლო – 14 იანვარი საქართველოს დროშის დღეა. ღონისძიების ფარგლებში ვახტანგ გორგასლის 16 ორდენი ტერიტორიული მთლიანობისთვის დაღუპულ გმირებს მიენიჭა.
ცერემონიალი პრეზიდენტის სასახლეში გაიმართა. გიორგი მარგველაშვილმა ომის ვეტერანებს და სამშობლოს ერთიანობისთვის დაღუპულების ოჯახების წევრებს უმასპინძლა.
ასევე, დღევანდელი თარიღის აღსანიშნავად ადმინისტრაციის ეზოში საპატიო ყარაულმა დროშის ორიგინალი აღმართა, რომელიც შარშან პრეზიდენტის ინიციატივით დამზადდა.
ცერემონიას საქართველოს ეროვნული გმირის გიორგი ანწუხელიძის შვილებიც ესწრებოდნენ. სახელმწიფო დროშის დღე მეორედ აღინიშნა.
მაჩვენე მეტი