აზერ სულეიმანოვი "ნაციონალური მოძრაობის" წევრად რჩება. ამის შესახებ ის "ფეისბუქის" საკუთარ გვერდზე წერს.
სოცილურ ქსელში "ნაციონალური მოძრაობის" წევრები უკრაინაში სააკაშვილთან შეხვედრის ფოტოებსაც აქვეყნებენ.
კრიზისში მყოფი პარტიის საპარლამენტო ცხოვრებისთვის სულეიმანოვის გადაწყვეტილება განსაკუთრებით მნიშვნელოვანია.
მას შემდეგ, რაც "ნაციონალური მოძრაობა" ე.წ.. ბოკერია-უგულავას ფრთამ დატოვა, არჩევნებზე მეორე ადგილზე გასულ გუნდს პარლამენტში 5 წევრი დარჩა, რაც ფრაქციის შექმნისთვის საკმარისი არ იყო.
“ვიყავი და ვარ "ნაციონალური მოძრაობის" წევრი. ვაგრძელებ პარლამენტში საქმიანობას ამ ფრაქციის რიგებში”,- წერს აზერ სულეიმანოვი "ფეისბუქის" საკუთარ გვერდზე.
მისი გადაწყვეტილების შემდეგ "ნაციონალურ მოძრაობას" პარლამენტში 6 წევრი ჰყავს და ფრაქციის შექმნის შესაძლებლობა ექნება.