„ერთიანი ნაციონალური მოძრაობის“ ყოფილ და მოქმედ წევრებს შორის დავა ამჯერად საპარლამენტო ფრაქციის თაობაზე გრძელდება.

როგორც ცნობილია, 13 იანვარს, ე.წ. ბოკერია-უგულავას წარმომადგენლებმა, ფრაქციის თავმჯდომარის პოსტი დაატოვებინეს ნიკა მელიას და სახელწოდება „ერთიანი ნაციონალური მოძრაობა“ „ევროპული საქართველოთი“ ჩაანაცვლეს, თუმცა შემადგენლობა იგივე დარჩა.

ამ დროსითვის „ნაციონალური მოძრაობის“ წევრი თინა ბოკუჩავა ამბობს, რომ ეს ფრაქცია „ნაციონალურ მოძრაობას“ ეკუთვნის და ის პარტიიდან გასულმა წევრებმა უნდა დატოვონ და შექმნან ახალი ფრაქცია.

მეორე ჯგუფს ამ საკითხთან დაკავშირებით კომენტარი ჯერჯერობით არ გაუკეთებია. დღესვე გამართულ ბრიფინგზე, პარტიის წევრებმა მიხეილ სააკაშვილთან კიევში ვიზიტის დეტალებზე ისაუბრეს.

როგორც „ნაციონალურ მოძრაობაში“ აცხადებენ, შეხვედრის მთავარი საკითხები, მომავალი ყრილობა და პარტიის სამომავლო გეგმები იყო.