ხვალიდან, ლარიზაციის გეგმის ერთ-ერთი მთავარი კომპონენტი, სესხების გალარება იწყება.

საქართველოს მთავრობის მიერ დამტკიცებული პროგრამის მიხედვით, ყველა იმ მსესხებელს, რომელსაც 2015 წლამდე ქონებით უზრუნველყოფილი სესხი დოლარში აქვს აღებული, შესაძლებლობა ეძლევა მიმდინარე კურსთან შედარებით 20 თეთრით გამოკლებით ის ლარში გადაიყვანოს.

მაგალითად, დღეს თუ ოფიციალური კურსი არის 2 ლარი და 70 თეთრი, სესხის გალარება 2 ლარად და 50 თეთრად იქნება შესაძლებელი.

საბანკო სექტორის ინფორმაციით, საპროცენტო განაკვეთი 10 პროცენტის ფარგლებში იმერყევებს. არსებობს შეზღუდვებიც, 20 თეთრიანი სხვაობა მხოლოდ 40 ათას დოლარამდე სესხებს შეეხება.

თუკი მსესხებელს უფრო დიდი მოცულობის კრედიტი აქვს, მას შეუძლია 40 ათასი სუბსიდიით გაალაროს, დანარჩენი დოლარში დატოვოს ან საბაზრო კურსით გადაიყვანოს ლარში. გალარება შეეხება პორტირებულ სესხებსაც და ეს პროცესი 17 მარტამდე გაგრძელდება.