2017 წელი საქართველოს საკალათბურთო ნაკრებისთვის მნიშვნელოვანი იქნება.
ილიას ზუროსის ხელმძღვანელობით, საქართველოს ეროვნული გუნდი, ევროპის ჩემპიონატზე იასპარეზებს. ნაკრების გასული წლის შედეგებზე და მიმდინარე წლის მოსამზადებელ ეტაპზე, სპორტისა და ახალგაზრდობის საქმეთა მინისტრი ტარიელ ხეჩიკაშვილი, ნაკრების მთავარ მწვრთნელს და ფედერაციის პრეზიდენტს შეხვდა.
ევროპის ჩემპიონატზე გამგზავრებამდე, საქართველოს ეროვნული ნაკრები 13-15 აგვისტოს, თბილისში ტრადიციულ მერიის თასზე ითამაშებს. ასევე, მონაწილეობას მიიღებს ლიტვისა და საბერძენთის საერთაშორისო ტურნირებზე. ევრობასკეტი კი სტარტს, 31 აგვისტოს აიღებს.
შეგახსენებთ, რომ საქართველოს ნაკრები ჯგუფურ ეტაპზე ისრაელში იასპარეზებს, სადაც მეტოქეებად, მასპინძელი ისრაელის, უკრაინის, ლიტვის, იტალიისა და გერმანიის ნაკრებები ეყოლება.